வாலிபர்களுக்கான 5 வேத வசனங்கள்

வாலிப நாட்கள் தீர்மானங்களின் காலம். படிப்பு, வேலை, நட்பு, எதிர்காலம் – எல்லாவற்றிலும் சரியான வழியைக் காட்டுவது தேவனுடைய வார்த்தையே. ஒவ்வொரு வாலிபனும் வாலிபப் பெண்ணும் மனப்பாடம் செய்ய வேண்டிய ஐந்து வசனங்கள் இதோ.

1. வசனத்தால் சுத்தமான வழி

வாலிபன் தன் வழியை எதினால் சுத்தம்பண்ணுவான்? உமது வசனத்தின்படி தன்னைக் காத்துக்கொள்ளுகிறதினால்தானே.

– சங்கீதம் 119:9

தினமும் சில நிமிடங்கள் வேதம் வாசிப்பது, உலகின் அழுத்தங்களுக்கு நடுவில் நம்மைக் காக்கும் கேடகம்.

2. இளமையிலேயே மாதிரியாக

உன் இளமையைக்குறித்து ஒருவனும் உன்னை அசட்டைபண்ணாதபடிக்கு, நீ வார்த்தையிலும், நடக்கையிலும், அன்பிலும், ஆவியிலும், விசுவாசத்திலும், கற்பிலும், விசுவாசிகளுக்கு மாதிரியாயிரு.

– 1 தீமோத்தேயு 4:12

வயது குறைவு என்பது தேவனுக்குத் தடையல்ல. உங்கள் வார்த்தையும் நடக்கையும் மற்றவர்களுக்கு முன்மாதிரியாக இருக்கலாம்.

3. விலகி ஓடு, நாடிச் செல்

அன்றியும், பாலியத்துக்குரிய இச்சைகளுக்கு நீ விலகியோடி, சுத்த இருதயத்தோடே கர்த்தரைத் தொழுதுகொள்ளுகிறவர்களுடனே, நீதியையும் விசுவாசத்தையும் அன்பையும் சமாதானத்தையும் அடையும்படி நாடு.

– 2 தீமோத்தேயு 2:22

சோதனையிலிருந்து ஓடுவது மட்டுமல்ல, தேவனைத் தேடும் நல்ல நண்பர்களோடு சேர்ந்து நடப்பதும் முக்கியம்.

4. உனக்காக தேவனின் நினைவுகள்

நீங்கள் எதிர்பார்த்திருக்கும் முடிவை உங்களுக்குக் கொடுக்கும்படிக்கு, நான் உங்கள்பேரில் நினைத்திருக்கிற நினைவுகளை அறிவேன் என்று கர்த்தர் சொல்லுகிறார்; அவைகள் தீமைக்கல்ல, சமாதானத்துக்கேதுவான நினைவுகளே.

– எரேமியா 29:11

எதிர்காலம் குறித்த பயம் வேண்டாம். உங்கள் வாழ்க்கைக்கு தேவன் ஒரு நல்ல திட்டம் வைத்திருக்கிறார்.

5. புதுப்பெலன்

கர்த்தருக்குக் காத்திருக்கிறவர்களோ புதுப்பெலன் அடைந்து, கழுகுகளைப்போலச் செட்டைகளை அடித்து எழும்புவார்கள்; அவர்கள் ஓடினாலும் இளைப்படையார்கள், நடந்தாலும் சோர்ந்துபோகார்கள்.

– ஏசாயா 40:31

சோர்ந்து போன நேரங்களில், ஜெபத்தில் கர்த்தருக்குக் காத்திருங்கள்; அவர் புதுப்பெலன் தருவார்.

இந்த வசனங்களை வாழ்ந்து பாருங்கள்

இந்த வசனங்களை ஒன்றாக தியானிக்கவும், ஆராதித்து ஜெபிக்கவும் வாலிபர் முகாம் 2026-க்கு உங்களை அன்புடன் அழைக்கிறோம்.